Tuesday, November 12, 2013

غنوة ثكلى



"غنوة ثكلى"

سلوى يا سلوى
ليش عم تبكي
بدي رفيقتي
اللي ركبت الباص
بس اليوم
ما جابها

***

سلوى يا سلوى
ليش عم تبكي
بدي رفيقي
اللي معي بالصف
راح رحلة
بلا طاقية وطابة
أخد شنتايتو
وجناحات ملاك
وقذيفة هاون
وقلبي

***

سلوى يا سلوى
حاجة بقى تبكي
بدي طمّن ميمتي
قديش في سيارات ولعب هون
منغني طول اليوم يوم
مبسوط يا ماما؟
وينك يا تقبرني؟

***

سلوى يا سلوى
أنا عم أبكي

***

سلوى يا سلوى
قومي نقي يللي بدك اياه
ما رح عيّط عليكي
اشتري يللي بدك اياه
كلي يللي بدك اياه
البسي يللي بدك اياه

***

سلوى يا سلوى
ما بقى رح تبكي
نقيتي يللي بدك اياه؟
اسأليلي العمو الكبير فوق
اللي حاضنك هلأ
عن ابني
أخدتو؟
طب ليش عطيتني اياه؟

***

سلوى يا سلوى
من وين رح تجي السلوى؟

***

سلوى يا سلوى
قومي
ببوس رجليكي تقومي


***

12 تشرين الثاني/ نوفمبر 2013
حداداً على طلاب مدرَستَي "الرسالة" و "يوحنا الدمشقي" الذين حملوا حقائبهم المدرسية وطاروا مع الملائكة ووصلوا إلى بيتهم في السماء بسلام يوم 11 تشرين الثاني 2013



 جميع الحقوق محفوظة لمدونة رهاميات

No comments:

Post a Comment